Félag viðskiptafræðinga MBA frá Háskóla Íslands er opið öllum sem hafa lokið MBA gráðu. Í því felst einnig að félagið er opið þeim sem hafa lokið námi erlendis frá og nú þegar eru nokkrir félagsmenn sem falla þar undir. Þá er enn frekari áhugi á að efla tengsl við erlenda háskóla og opna enn frekar á samstarf og samvinnu, öllum til hagsbóta.
MBA-námið hefur farið í gegnum alþjóðlegt vottunarferli þar sem mikil áhersla er lögð á alþjóðleg viðskipti og frá árinu 2014 hafa nemendur MBA HÍ farið til Washington sem hluta af náminu og þá sótt tíma í Georgestown University sem er einn virtasti skóli í heimi. Í þeirri ferð er jafnframt farið í Alþjóðabankann, Alþjóðagjaldeyrissjóðinn, þingið og fl. sem vekur áhuga, styrkir og hvetur til alþjóðlegs samstarfs.
Þeir sem lokið hafa námi erlendis frá eru hvattir til þátttöku í starfi félagsins. Þannig getum við byggt öflugra félag, nemendum og félagsmönnum MBA félagsins til hagsbóta.
Allir með MBA gráðu frá Háskóla Íslands og nemendur sem stunda námið geta sótt um aðild að félaginu.
Þeir sem eru með viðurkenndar MBA gráður frá erlendum háskólum geta einnig sótt um aðild.