MBA-námið er hagnýtt meistaranám þar sem nemendur virkja kraftinn til þess að takast á við áskoranir, hljóta þjálfun á sviði viðskipta og rekstrar auk þess að efla persónulega færni sína.
MBA-námið veitir nýjar forsendur til starfsframa og er í sterkum tengslum við íslenskt viðskiptalíf.
MBA-námið hefur farið í gegnum alþjóðlegt vottunarferli og hlaut vottun frá Association of MBA´s (AMBA) 2014.
Háskóli Íslands er í hópi 300 bestu háskóla heims samkvæmt matslista Times Higher Education Worlds University Rankings.
MBA námið er góður kostur fyrir þá sem vilja efla þekkingu sína í viðskiptafræði og auka færni í stjórnun og rekstri. Mikið er lagt upp úr að styrkja nemendur og leggja grunn að starfsframa þeirra.
Í MBA náminu kynnast nemendur íslensku atvinnulífi á einstakan hátt. Kennarar námsins hafa sérþekkingu á íslensku atvinnulífi gegnum áratuga reynslu, rannsóknir og ráðgjöf. Með vinnslu raunverkefna skoða nemendur fjölmarga þætti í rekstri ólíkra fyrirtækja á gagnrýninn hátt og koma með tillögur að umbótum. Mikill metnaður er lagður í að fá færustu sérfræðinga á viðkomandi sviði að einstaka námskeiðum.
Markvisst er stefnt að því að hvert námskeið í MBA náminu sé bæði framúrskarandi og metnaðarfullt. Meðan á náminu stendur mynda nemendurnir sterkt tengslanet við samnemendur og einstaklinga í fyrirtækjum.
Allir með MBA gráðu frá Háskóla Íslands og nemendur sem stunda námið geta sótt um aðild að félaginu.
Þeir sem eru með viðurkenndar MBA gráður frá erlendum háskólum geta einnig sótt um aðild.